Новости

07 декабря 2015

«Сноу-арт»

Соторутааҕыта аатырбыт  режиссер Тимур Бекмамбетов «Он – дракон» диэн киинэтигэр анаан, Англияттан Саймон Бек диэн худуоһунньугу Саха сиригэр ыҥыра сырытта.

Саймон Бек … хаарга  ойуу түһэрэр худуоһунньук эбит. Бу ойууларын кини атаҕынан хаары тэпсэн оҥорор.

«Он – дракон» киинэ ис хоһоонугар сөп түбэһиннэрэн, Үс Хатыҥ диэн ыһыахтыыр сирбитигэр Саймон Бек хаары тэпсэн, дракону ойуулаата.

Уруһуй бу көрүҥэ «сноу-арт» дэнэринэн, куонкуруспут эмиэ маннык ааттаах буолар.

Биллэн туран, профессионал худуоһунньуктар курдук хаарга ойуулуур уустук. Онон, оҕолоор, эһиги бу хаартыскаларга көстөр уруһуйдар  курдугу да оҥорон, биһиги куонкуруспутугар кыттыаххытын сөп.

«Сноу-арт» куонкурус усулуобуйата:

  1. Уруһуйга ирдэбил:

— хаарга уруһуй төһө баҕарар иэннээх, араас өҥнөөх буолар;

— хаары тэпсэн да, ойуулаан да оҥоруоххутун сөп;

— күрдьүккэ эбэтэр сыыр сирэйигэр ойуу түһэрэр ордук көстүүлээх буолуо.

  1. Кыттааччы ахсаана, сааһа хааччахтаммат.
  2. Уруһуйгутун хаартыскаҕа үөһэттэн, үрдүк сиртэн түһэрэргит ордук.
  3. Болдьоҕо: 2015 с. ахсынньы 25 күнүгэр диэри.

 

PS: куонкурустарга кыттар оҕо хаһыакка сурутуулаах буолуохтаах.

← Вернуться к разделу