Новости

07 декабря 2015

Путин диктаныгар кытынныбыт

 Үөһээ Бүлүү И. Барахов аатынан 1 №-дээх орто оскуолаҕа сэтинньи 1 күнүгэр Бүтүн Россия үрдүнэн аан маҥнай ыытыллыбыт географическай диктаны суруйдубут.

Манна барыта улуус кииниттэн түөрт оскуоланы сэргэ, Үөһээ Бүлүүтээҕи интэринээт-лиссиэй уонна Кэнтик оскуолаларын үөрэнээччилэрэ, учууталлар, төрөппүттэр кытыннылар.

Маннык киэҥ ааксыйаны,  төрөөбүт дойду географиятын билиини тургутан көрүүнү, диктаны ыытыыны Владимир Путин Нуучча географическай обществота 170 сылын туолуутугар анаан киллэрбит. Диктаны география учуутала Люция Егоровна Егорова, Игнат Иосифович Чагылысов үрдүк таһымҥа тэрийэн ыыттылар.

Биэс кылааһынан хайдыһан олорон, эрчиллэ таарыйа, интэриэһинэй биктэриинэни таайдыбыт. Онтон диктаны суруйдубут. Экраҥҥа 25 ыйытыы биллэр телеведущайдар куоластарынан саҥардыллан, үс хайысхаҕа тыырыллан, үгүс иллюстрациялаах көһүннэ.

Кыттыыны ылбыттар диктант түмүгүн, ахсынньы 10 күнүттэн саҕалаан, Интернетинэн билсиэхтэрэ. Бу географическай диктаҥҥа кыттыбыт үөрэнээччилэр билиилэригэр билии эбиммит, төрөөбүт дойдуларыгар интэриэстэрэ үрдээбит буолуохтаах. Маннык диктант өрүү да ыытылларыгар баҕалаах тарҕастылар.

 

“Бараховец”

оскуолатааҕы  редакцията.

Үөһээ Бүлүү.

← Вернуться к разделу