Новости

12 января 2016

Бичик: Саҥа кинигэлэр

Таҥха таайтарыылаах күннэригэр инники сылыктаан, туох күүтэрин ыраҥалаан көрөргө «Бичик» кыһа нууччалыы/сахалыы Намылҕа билгэлиир хаартытын таһаарда.картыБу хаартыны туһанан, мунаарар ыйытыккытын ыйдаҥардыҥ, долгуйа күүтэр түгэҥҥитин сэрэбиэйдээҥ.
Клавдия, Герман Хатылаевтар аар айылҕа кэхтибэт алыптаах суугунун, аан ийэ дойду быстыбат тыыннаах эйгэтин эттэринэн-хааннарынан иҥэринэ сылдьан, куйаартан кутуллар дорҕооннору бар дьонноругар саха үгэс буолбут доҕуһуоллуур тэриллэригэр – күпсүүргэ, кырыымпаҕа, хомуска төрүт дорҕоону уһугуннаран, көтөр-сүүрэр ырыатын, салгыбат саҥатын байытан киэҥ көрөөччүгэ тиэрдэр айымньылаах айар үлэлэригэр анаммыт «Төрүт дорҕоон» диэн альбом-кинигэ «Бичик» кыһаҕа таҕыста.ХатылаевыАаҕааччы тыал дуораанньыттарын, охсон, үрэн оонньонор, кыллаах тэрил, хомус эгэлгэ арааһын кытта билсиэҕэ. Хатылаевтар ытык ыра санаалара – Төрүт дорҕоон айар киинин тэрийии. Онно өбүгэ тыына, өй-санаа, кут-сүр, тулалыыр айылҕа, киэҥ куйаар, аан дойду тэтимигэр быстыспат ситим буолан, саха доҕуһуоллуур тэриллэригэр иҥэриллэн, кэлэр кэнчээир ыччаппыт айар айылгыта аһыллыа.Мандар
Ойууһут, тимир ууһа, уһуйааччы, бөлүһүөк Мандар Уус үбүлүөйүгэр «Бичик» кыһа «Барҕа санаам, сүбэ тылым» диэн кинигэни таһаарда. Манна сиртэн хостонор Сахабыт сирин баайа үөгүлүүр үптээх, хаһыытыыр харчылаах хампаанньалар бас билиилэригэр киирбит, айылҕабыт айгыраабыт кэмигэр Мандар Уус бөлүһүөктүү көрүүлэрэ, оҕону-ыччаты иитиигэ-такайыыга соргулаах сүбэлэрэ сахабыт дьонун Айыы үөрэҕэр, Айыы итэҕэлигэр сирдииллэр. «Сир түннүгэ» кэриэтэ ытык киһибит саханы сирдиир дириҥ философията, ыллыктаах санаата бу кинигэҕэ тиһилиннэ.обложка сомого туунну куорат
«Билиҥҥи кэм прозата» сериянан Сомоҕо «Түүҥҥү куорат» кинигэтигэр олох уустук өрүттэрин сырдатар. Киһи быһыытынан сатарыйыы, өй-санаа күүрүүтэ уйулҕа тосхолунан ойууланар. Оттон «Олоххо тардыһыы» сэһэҥҥэ дьылҕа ыар тургутууларын — хоту көһөрүү, сут-кураан уустук кэмин ааспыт сэрии тулаайахтара олох туһугар туруулаһыыларын түмүгэр олоххо туох барыта тус бэйэҕиттэн тутулуктаах диэн суруйааччы сиэрдээх хоруйу биэрэр.Сэмэн Маайыьап А5а
Сэмэн Маайыһап «Аҕа» диэн кинигэтигэр үтүө үгэстэрдээх, туспа сиэрдээх-туомнаах саха ыалын туһунан айымньылара түмүлүннүлэр. Тыа сиригэр күүс үлэтин арааһын ситэри баһылаабыт мындыр саха эр киһитин олоххо кыраҕы сыһыана, аныгы кэм балысхан сайдыытын кытта тэҥҥэ хаамсыбыт, омос көрдөххө, тус олоҕор барыны бары ситиспит саха дьахтарын ис түгэҕэр сөҕүрүйэн сыппыт киччим санаата арыллар. Ону сэргэ саха төрүт дьарыга булт туһунан кэпсээннэр, хомоҕой хоһооннор ааҕааччы болҕомтотун тардыахтара.
Семен Борисов «Иэстэбил» кинигэтигэр кырдьык уонна сымыйа, киһилии сыһыан уонна хара баттал туох иэстэбилгэ тиэрдиэн сөбүн анаарар айымньы ааҕааччы болҕомтотун тардыаҕа. Манна быстар дьадаҥы ыал оҕото дьон атаҕастабылын сытыы өйүнэн, тус кыаҕынан хайдах тулуйбута, киһи-хара буолбута сэһэргэнэр.

SakhaLife.ru

← Вернуться к разделу