Новости

08 декабря 2015

Ахсынньы 5 күнэ – «Дьулуур» оҕо хамсааһынын күнэ

Ахсынньы 3 күнүгэр “Дьулуур” оҕо биир сомоҕо хамсааһынын кыттыылаахтара Бырабыыталыстыба 1 №-дээх дьиэтигэр республика  салалтатын кытары көрүстүлэр. Бүгүн республика 75 000 үөрэнээччитэ  “Дьулуур” кэккэтигэр киирэн, общественнай үлэҕэ кытта сылдьар.

– Бу дьыл алтынньы 29 күнүгэр дойдубут Президенэ В.В. Путин “Россия үөрэнээччилэрин хамсааһына» диэн тэрилтэни төрүттүүр туһунан Ыйааҕы таһаарда. Онон биһиэхэ үлэлииргэ дөбөҥ буолуоҕа, СР Ил Дархана Е.А. Борисов “Дьулуур” оҕо биир сомоҕо хамсааһынын тэрилтэтин икки  сыллааҕыта тус бэйэтэ көҕүлээбитэ, – диэтэ оҕолору кытары көрсүһүүгэ Бырабыыталыстыба  Бэрэссэдээтэлин солбуйааччы Алексей Дьячковскай.

Бастыҥ үлэлээх баһаатайдарга, лидердэргэ Алексей Дьячковскай, Ил  Түмэн Государственнай Мунньаҕын бэрэссэдээтэлин солбуйааччы Анатолий Добрянцев, СР Ыччат дьыалаларын уонна дьиэ кэргэн политикатын миниистирэ Афанасий Владимиров Махтал суруктары туттардылар. Кинилэр истэригэр биһиги эдэр кэрэспэдьиэннэрбит Лена Андреева (Саха гимназията), Сандаара Тобонова (Ньурба 2 №-дээх оскуолата) бааллар.

97

100

– Оҕолору түмэр “Калейдоскоп” куруһуокка IV кылаастан  дьарыктанабын. Маныаха көҕүлээбит салайааччым, иккис ийэм тэҥэ саныыр Элена Евгеньевна Федороваҕа махталым улахан. Кини салалтатынан элбэх киинэни уһуллубут, фестивалларга кытынныбыт, ситиһиилэннибит, – диир Ил Дархан Махтал  суругун туппут Сандаара Тобонова. – Быйыл оскуолабын бүтэрэбин, Санкт-Петербурга Киинэ уонна телевидение институтугар режиссер үөрэҕэр туттарсыам. 

99

 

98

← Вернуться к разделу